Идел буе федераль округында «ФормАРТ» урам сәнгате фестиваленең VII сезоны кысаларында Иң яхшы мурал өчен тавыш бирү башланды.
Финалга чыгучылар арасында – Татарстаннан талантлы рәссам-граффитист Александр Попов «Гаилә традицияләре» эше белән. Конкурста 18 яшьтән 35 яшькә кадәрге 14 яшь автор катнаша.
Фестивальнең төп тематикасы Россия халыкларының бердәмлеге образын формалаштыруга, милләтара татулыкны һәм үзара хөрмәтне ныгытуга юнәлдерелгән. «Гаилә традицияләре» муралы Яр Чаллыдагы йортның фасадын бизи. Композициянең үзәгендә – бергәләп милли ризык әзерләү аша мәдәни кыйммәтләрне тапшыручы әби һәм оныкның күңелгә үтеп керә торган образы.
Эш тирән мәгънәгә ия – милли орнаментлар һәм җылы төсләр гаммасы уңайлылык атмосферасын тудыра; архитектура элементлары тамырлар белән бәйләнешне символлаштыра; кош образы тынычлыкны һәм бердәмлекне гәүдәләндерә; үсемлек мотивлары ыруның дәвамын һәм табигать белән бәйләнешне чагылдыра.
2026 елның 16 августына кадәр һәр кеше үзенә ошаган мурал өчен үз тавышын бирә ала.
Александр Попов эше өчен тавыш бирү өчен:
-
«Госуслуги» порталына түбәндәге сылтама буенча күчәргә: https://pos.gosuslugi.ru/lkp/polls/621853/;
-
4 номерны сайларга – Татарстан Республикасы;
-
«Отправить» төймәсенә басыгыз.
